Ro Hlu Ber

"Ka phal thei lo!" tiin ka kuang an chhin dawn lai chuan mittui nen min au lawm lawm ang a. 

Mahse, nidang angin ka hming an lam veleh an bulah ka awm thei tawh dawn si lo. 

Nipui laia hlim taka ka fiamthu thawh ṭhin te chu hriat tur a awm tawh lo ang a, 

Thlasik laia sikri ai paha ka zai rat rat ri te chuan thereng hram ri pawh a tluk tawh dawn si lo. 

Chhawrthlapui hnuaia ka nih tum leh châk zâwng ka sawi te kha engmah lo mai an lo ni tawh ang a, 

Ruahpui vanâwn chuan ka sulhnu zawng te a tlênfai vek tawh bawk ang. 

'Kan hmangaih leh duh tak," tiin min thlah lo ula, 

'A hlutna kan hriat ngai loh," tiin a thu chu in lo ṭan dâwn nia. 

Thil reng reng chu a bo hnu hian a hlutna kan hrechhuak châwk a nia. 

-12.11.2018 

 02:05PM

. 

. 

. 

. 

. 

Note: Ka inthlahdah luatah ka thuziak tam zawk ka tibo vek a, blog ka ṭan chhan pawh hi a ni pakhat a. Hehe. 

Kum 3 liam ta a ka ziah, a thu ka en lêt khian ka beng hi a sa het het thei😆 Mahse, khatih hunlaia kum sawmpanga mi ve mai khan a tlin lohna leh thiamloh-leh-zual-na hre chang hauh lova a lo ziak ve ṭang ṭang kha ka chhuang ve hrim hrim. Anih na ang ang hian ka pawm ta mai. 😂

10:33PM 

23rd Sept, 2021