A mak ka ti Ramlian!

Engkim hi a ral riai riai a;

Hun pawh, mihring pawh, eng pawh.

Keipawh ka ral tial tial a;

Hun ang chauhvin ka kal det det emaw ka tih chhung hian ka lo liam leh puat tawh ṭhin.

Nî a lo chhuak a, a pilna tur lam a pan ding nghal chat ang mai hian hringnun hi chiang fek fawkin kaldan tur in zirtir ni se chuan-

Heti ringawt hi chuan ka tham ral lo ang a,

Heti lo deuh hian sulhnu hnutchhiah tlak ka kalsan ve tur. 

Nî chu a tla sen phût mai a,

Zan thim chuan rawn khuh leh dâwn mah se a tih tur ṭhulh lovin a êng fo lah tak a.

Mawi takin, chiang takin, en vawng vawng tur ênna ka zawn ve chhung hian khawfing a lo chat hman tawh ṭhin.

Zirtawpni awm ve lo hringnun hman zawng, a har ka ti êm mai Ramlian!

-Thlengthlengi.ezs

19.01.2023

09:01AM