Nî te an ral a, mi te an liam zel a. Kan duh emaw, duh lo emaw, min liamsan zel si. Kan kianga an awm theih nan tiin khawvel thil ṭha tinreng kan barh a, kan neih hlanin kan theihtâwp hi a tâwk thei lo emaw tih tur hialin kan pêk theih hlu ber pêk kan duh ṭhin. Mahse, i hma zâwn a chhum awm saw tun aṭanga rei lo tê ah a pian a thlak ang a, a ral leh riai riai dâwn ang chauh hian kan thlah phal lohte kan thlah an ṭul ṭhin. Thihna a ni emaw, dam reng chunga intawn leh tawh lohna tur emaw pawh ni se; a tuar dam thiam apiang an vannei a, hma lam pan nachang hria chu mi fing chan an chang mai a ni. Keini ang mi mawl, thlen tâwpna apianga chhawm neih tum tan chuan khawvel ah hian kan inhnûk rit bîk mang e!
-Thlengthlengi.ezs
05.02.2023
02:24PM
Comments
Post a Comment