Vawikhatna

 "Ka nu leh pate hian an hrethiam thei tak tak lo" i ti maw? Ni e, an hrethiam ngai lovang! Mihring ve tho an ni asin. 

He hringnun hi an vawikhat temchhinna ve tho a ni a; 

I pa kha he khawvêla 'PA' anih VAWIKHATNA a ni a. 

I nu pawh he khawvêla 'NU' anih VAWIKHATNA a ni. 

I damloh hmasak bera an lungphân tur zia i ngaihtuah tawh ngai em? 

Fa damlo an neih VAWIKHATNA a ni a, mittui a far lo thei lo. 

"Anu, Apa" i tih VAWIKHATNA kha an tan chuan nimin ang lek kha a la ni asin. 

I thuawih loh vanga a VAWIKHATNA atan a hrem ngaia i awm ṭum a an thinlung nat tur zia te kha... 

I kal theih tirha tlûk i hlauh avanga an kut i chelh lai te kha an ngai vawng vawng ṭhin a, 

I muhil sêk sêk pawh hi tûktin pâr ai pawhin mawi an ti zâwk asin. 

A VAWIKHATNA leh kumkhua atan a i nu leh pate khan -

An hrethiam ngai dawn lo! 

Mahse, HRIATTHIAMNA aiin HMANGAIHNA hi a hlu zawk fo ani tih hi fa i neih ve VAWIKHATNA ah i hrechhuak mai ang.

(note: 2019-a ka ziah chu nizanah U Patea'n a lo la dahṭhat kiau thu min hrilh hlawl mai a, a chungah ka lawm tak zet! A nihna ang ang a dah ka duh si, ka en vang vang a ka sit bawk si. Mahse, kum 4 kal ta a keimah kha tuna keimah hian ka thlir lêt vang vang a; tuna ka nihna ngei pawh hi engtik niah emaw chuan ka sit ru viau thei tho a, chuvangin a tlin lohna ang ang a pawm mai kha ka tih theih ṭha ber ni a ka hriat avangin engmah ka thlak ta lo.)

05.07.2023

12:46AM