Min Nghilh Bik Suh

                 MIN NGHILH BIK SUH

                                        02.11.2025 (Sun) 

Tlai tla êng ruai hnuaia in dî te rimawi tluka thlum a awm lo va,

Hun liam tawh hnu tluka hun hlu kha a awm hek lo;

Ka thu hriat ngui ber erawh chu ṭâng ṭhenna biahthu a ni a,

“D, min nghilh bik suh aw,” i tih ṭum kha a ni a sin.

 

*Min dâwn ve la, ênna nunnêm an ên châng chuan,

Min ngai ve la, hringnun phurrit nghah chhan vaih ruai chângin;

Hlu hian ka ring asin mahriak te’n dâwn kîr chângin,

Nghilh ka ni bik lo tih hriatna chu.

Kar dan nî herchhuak se i vai bil lo’ng sakhmel ṭha chuang,

A seih mawi leh biahthu thup awm lo;

A huam meuh ang maw i pheichheh a pheh ni chuan?

Nghilh bik suh aw D’, ka huam leh theih beitham tê.

*Min dâwn ve la, ênna nunnêm an ên châng chuan,

Min ngai ve la, hringnun phurrit nghah chhan vaih ruai chângin;

Hlu hian ka ring asin mahriak te’n dâwn kîr chângin,

Nghilh ka ni bik lo tih hriatna chu.

 

Kumkhua a ka ta i nih thu min tiam a,

Kawlkil piah lam thleng sawn i ta ka la ni asin;

Rinawmna hrui hrual i chelh zo ve ta ngang lo va,

Ngaihruatna ah bâk ngai kan awh ve tawh ngai dâwn si lo.

 

*Min dâwn ve la, ênna nunnêm an ên châng chuan,

Min ngai ve la, zan thim tawrh har riahrun i vaih ruai chângin;

Hlu hian ka ring asin mahriak te’n dâwn kîr chângin,

Chatuan lâwmna’n a tâwk, nghilh ka ni bik lo tih hriatna chu.

 

Riahrun lairil a fan ka hriat, ka tan a tâwk e.